Home » Во фокусот » „Сакате да напишам FCK на кофичката?“ – Како ПР кризата на KFC се претвори во принт реклама на векот

„Сакате да напишам FCK на кофичката?“ – Како ПР кризата на KFC се претвори во принт реклама на векот

Малку работи во животот имаат подобро чувство од совршено темпирана непристојност, а пред скоро време токму тоа го откри франшизата на брендот KFC од Обединетото Кралство и Ирска.

Имено, кога ланецот за брза храна се соочи со масовно затворање на своите ресторани поради неочекуван недостаток на пилешко месо, изгледаше како ПР ноќна мора од таков вид што некои брендови никогаш не би се пробудиле.

Маркетиншкиот тим на брендот и агенцијата Mother London знаеја дека мора да реагираат. Но како? Каква порака би била примена искрено, доколку даоаѓа од бренд познат по тоа што не се сфаќа себе премногу сериозно?

Одговорот имаше три букви:

FCK.

За време на овогодинешниот кански фестивал на креативноста Cannes Lions, KFC U.K. за ова „извинување“ освои златна награда во PR и Print категориите.

Во интервју за AdWeek, генералниот маркетинг директор на KFC U.K. , Мег Фарен, и извршниот креативен директор на Mother London, Хермети Баларин, открија дел од процесот и разговорите кои доведоа до создавањето на рекламата.

„Знаевме деке работата е многу сериозна. Од моментот кога се заклучивме во соба до моментот кога ни дојде оваа идеја поминаа буквално 24 часа,“ изјави Баларин.

Како потврда за блискиот однос помеѓу брендот и агенцијата, принт рекламата беше развиена и објавена јавно во брзање, меѓутоа тоа не значи дека од старт беше сигурна одлука. Фарен изјави дека имала разбирлива загриженост за тоа како ќе биде прифатена, но на крајот, нејзиниот тим бил убеден дека публиката ќе реагира позитивно.

„Ја ставивме под нос на еден од нашите адвокати и тој веднаш почна да се смее. Тогаш знаевме дека и публиката ќе се смее,“ на крајот истакна Фарен.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.

Marketing365 Marketing365 Marketing365