Данскиот производител на играчки LEGO го објави своето празнично продолжение на глобалната бренд платформа “Rebuild the World”, во форма на рекламата “Anything Is Possible with LEGO” („Сé е возможно со LEGO“).
Забавниот и разигран спот ја „оживува“ имагинацијата на децата, отелотворувајќи ги сите нивни идеи колку и да се чинат фантастични, па дури и апсурдни. Така, гледаме стормтрупери од Star Wars кои бегаат од рој пчели, змеј кој гасни огнови наместо да ги предизвикува и кактуси кои носат заштитни облоги за безбедно гушкање.
Видеото е проследено со преработена верзија на песната “Build Me Up Buttercup” од The Foundations, со нов текст кој ги охрабрува децата да ја прифатат својата креативна страна.
Кампањата е создадена од in-house креативната агенција The Lego Agency, со помош на продукциската куќа Stink Paris.