Home » Во фокусот » Седум разлики помеѓу милениумците и генерацијата Z

Седум разлики помеѓу милениумците и генерацијата Z

Денешните деца имаат многу повеќе заеднички работи со нивните врсници ширум светот, отколку со возрасните со кои се опкружени

Можеби се прашувате кој ја сочинува генерацијата Z? Одговорот е дека во нив спаѓаат сите оние кои се родени 1995 година и подоцна. Всушност, тоа е генерацијата која ги наследи милениумците. Во САД тие претставуваат 26% од вкупната популација, а во американската економија допринесуваат со околу 44 милијарди долари годишно. До 2020 година, генерацијата Z ќе претставува една третина од населението и затоа е оправдано да им се посвети големо внимание.

Добро е да се знаат разликите помеѓу генерациите, бидејќи на тој начин, компаниите полесно можат да ги креираат своите бизнис планови, маркетинг и комуникациски активности и да останат релевантни конкуренти на пазарот.

  1. Помалку фокусирани

Генерацијата Z живее во свет на постојани промени и подобрувања, и затоа е важно компаниите постојано да работат на подобрување на своите производи и услуги. Благодарение на апликациите и социјалните мрежи, генерацијата Z ги следи трендовите и преку кратки и концизни содржини. Затоа нивниот степен на внимание е значително пократок од милениумците.

  1. Сестраност

И покрај тоа што припадниците на генерацијата Z се помалку фокусирани од нивните претходници, многу ефикасно ги комбинираат работните обврски и слободното време, а не им е туѓа ниту сестраноста. Само помислете колку тие можат да ја подобрат вашата компанија ако работат за вас.

  1. Финансии

Милениумците посветуваат поголемо внимание на цените, најверојатно затоа што израснале за време на рецесија. Истражувањата покажаа дека 67% од милениумците би посетиле некоја веб страница за да освојат купон со попуст, додека во генерацијата Z, тоа би го направиле само 46%.

Милениумците се исто така повеќе наклонети кон следење на реклами. Истражувањата покажале дека 79% од милениумците пред купувањето ги следат рекламите, додека само 59% од припадниците на генерацијата го прават тоа.

  1. Претприемништво

Припадниците на генерацијата Z се стремат кон порелаксирана работна средина и порелаксиран начин на живот воопшто. Околу 72% од тинејџерите велат дека еден ден би сакале да основаат свој сопствен бизнис.

  1. Очекувања

Генерацијата Z имаат поголеми очекувања од милениумците. Имено, тие беа првата генерација што пораснаа опкружени со технолошки иновации, и сето тоа што изгледаше невозможно во минатото, денес се смета нормално и вообичаено за нив. Доколку тие не можат да учествуваат во нешто тука и сега, тоа не е нормално за нив. Тие ги гледаат брендовите на тој начин. Нема лојалност. Ако мислат дека не се вреднуваат како купувачи, ќе бараат друг бренд.

  1. Индивидуалност

Генарацијата Z е родена во ерата на социјалните мрежи – дури 92% од нив има свој дигитален отпечаток. Како последица на достапноста на информациите и следењето на медиумите, таа генерација бара нешто уникатно во сите облици на животот.

  1. Глобалност

Припадниците на генерацијата Z се глобални. Со развојот на интернетот, милениумците се сметаа за прва глобална генерација, но припадниците на генерацијата Z се многу повеќе глобални во своите размислувања и интеракции. Околу 58% од луѓето над 35-годишна возраст во светот се согласуваат дека денешните деца имаат повеќе заедничко со нивните врсници ширум светот, отколку со возрасните со кои се опкружени.

Автор

Leave a Reply

Your email address will not be published. Required fields are marked *

*

Marketing365 Marketing365 Marketing365