После три годишна криза околу Брегзит, Sky News одлучи да создаде нов канал на кој што нема да се емитуваат никакви вести за Брегзит, а воедно тоа ќе биде примамливо за сите гледачи на кои таа вест за излезот на Британија од Европска Унија им е веќе здодеана.
Од референдумот во 2016 година, британските политичари расправаат за тоа Британија да излезе од Европската Унија.
Направени се анкети и од институтот Reuters и утврдено е дека третина од граѓаните избегнуваат вести, додека другите велат дека токму Брегзитот е главна причина за тоа.
Поради сите овие причини, „Sky News Brexit – free‘‘ ќе биде канал на кој што нема да се емитува ништо поврзано околу Брегзит, а главната причина им се гледачите на кои им е здодеано од овие вести.
Директорот John Ryley вели: „Тоа е нешто што знаеме дека нашите гледачи ќе го сметаат за вредно. Брегзит е историска приказна која има големо влијание и ќе продолжиме да известуваме за тоа сеопфатно.
Овој канал на луѓето ќе им даде одмор, тој ќе служи како канал каде што луѓето ќе можат да слушнат прашања кои не се занимаваат со Британската влада и Брисел, а фокусот ќе биде на озбилно, оригинално новинарство.‘‘