Home » Digital » Social Media трендови за 2018 година

Social Media трендови за 2018 година

Автор на текстот: Уна Костандиновиќ, Social Media Manager на агенцијата Drive

 

Додека на 2017 година и` се ближи крајот, редно е да направиме пресек на она што се случува во сферата на социјалните мрежи.

Што не` очекува и како да се подготвиме за тоа?

1) Содржина прилагодена на начинот на живот на корисниците

Кет Хан, креативен стратег во компанијата Facebook, на Social Media Week (септември 2017) во Лондон, истакна дека просечниот интернет корисник дневно скрола речиси 90 метри дигитална содржина, а според нејзиното мислење еве како треба да ги распоредиме нашите social пораки за да го привлечеме вниманието на корисниците во согласност со нивните потреби:

– 70% од содржината би требало да се состои од кратки формати кои лесно се конзумираат. Тоа е содржина за оние кои се во движење, кои ги проверуваат своите телефони на состаноци или на пат кон дома. Тоа се постови кои лесно собираат лајкови и не бараат длабока анализа и ангажман од корисниците.

– 20% од содржината би требало да биде интерактивна, наменета за корисниците кои се во потрага за пораки кои ќе им го привлечат вниманието, за моменти на кратко слободно време.

– 10% од содржината би требало да биде високо квалитетна пололга видео содржина, наменета за оние кои бараат подетелни информации и кои сакаат во потполност да се посветет на темата.

Што можеме да заклучиме од овај распоред? Дека 70% од корисниците се во потрага по преодна содржина, а само 10% од целната група сака длабока содржина.

Притоа, кога Кет зборува за видови на содржина, таа без исклучок зборува за видео содржината која ќе биде доминантен формат на социјалните мрежи и наредната година.

2) Фејсбук не оди никаде, посилен е од било кога

Во јуни 2017 година, Фејсбук имаше повеќе од 2 милијарди корисници, што е пораст за 17% во однос на истиот период лани, а повеќе од половина од корисниците на Фејсбук пристапуваат преку мобилните телефони. Факт е дека Србија од крајот на 2017 година се наоѓа на листата на земји во кои се тестира Explore Feed и го намалува органскиот досег на постовите, што не го менува фактот дека оваа мрежа моментално ја користат повеќе од 3,1 милиони луѓе (проценето врз основа на потенцијалниот досег за цела Србија според Facebook Ads алгоритамот) и дека тоа е исклучително добар начин Вашиот бренд да дојде до секој поединечен корисник.

Заради наведените тестови, потребно е повеќе внимание да се обрати на квалитетот на содржината, како и да се зголемат буџетите за огласување на оваа платформа. На крај, на заборавајте дека целта на вашиот бренд е пораката да се палсира таму каде што вашата целна група веќе се наоѓа.

3) Четботови и допишување преку пораки за поголема лојалност спрема брендот

Во април 2016 година, Фејсбук ја претстави Messenger chatbot платформата и оваа можност ја користат веќе десетина илјади брендови за комуникација со фановите. Меѓу компаниите кои ја користат се MastercardWhole foodsThe Wall Street Journal и многу други.

Понатаму, се проценува дека моментално 5 милијарди луѓе ширум светот користат messenger и OTT апликации (over-the-top – FB Messenger, Whatsapp, Tencent, WeChat, QQ, Kik и Viber, а тука се уште и Skype, Google Allo,и сл.) и social размената на пораки ќе биде неразделен дел од секоја онлајн интеракција.

Интересен податок е дека 62% од милениумците се полојални на брендовите кои стапуваат во комуникација со нив преку messenger апликации ,затоа што тие создаваат чувство на личен, директен контакт и транспарентност преку еден-на-еден размена. Фејсбук им го олеснува животот на луѓето, со тоа што им овозможува со еден клик на огласот или копчето Send message, директно да стапат во контакт со брендот и да добијат брз, персонализиран одговор кој обезбедува подобро корисничко искуство.

4) Автентични фотофрафии наместо сток бази

Доколку постои шанса да заборавите на сток фотографиите, направете го тоа. Несовршеност, реален приказ, локална содржина и фотографии со кои корисниците можат да се поистоветуваат, се иднината на дигиталната комуникација, бидејќи зборуваат за реална #nofilter приказна. За среќа, веќе со години, употребата на сток фотографии се намалува, бидејќи дигиталните агенции и компании се свртуваат кон автентични слики и видео содржини, кои може на адекватен начин да го прикажат идентитетот на брендот.

Со примената на реални фотографии, рака под рака оди и соработката со инфлуенсерите и блогерите – кои креираат брендирана содржина, но во склад со она што им се допаѓа на нивната публика. На овај начин, се добива содржина која локалната заедница ја препознава како автентична и веродостојна. Освен тоа, ваквиот тип на соработка го зголемува органскиот досег на вашите пораки, затоа што инфлуенсерите користат свои приватни канали за комуникација со постоечката публика – YouTube каналот, Инстаграм (преку постови и Story), блогови и колумни.

5) Квалитет, а не квантитет на содржината

Спамирање на корисниците со голем број на објави се минато време и алгоритмите на социјалните мрежи одамна се програмирани да фокусираат квалитетна содржина. Креирање на голем број на постови е всушност и контрапродуктивно заради нискиот органски досег и повторување на еднолична комуникација. Наместо тоа, вложете време, средства и креативност во содржина, која ќе биде релевантна, актуелна, интересна, забавна и интерактивна и спонзорирајте ја, со цел дополнително да ја зголемите нејзината видливост пред целната група.

6) Од желба за привлекување внимание до броење на конверзии

Додека полемиката околу воведувањето на Explore Feed и намалување на органскиот досег сеуште трае, сакаме да укажеме на една многу важна метрика, а тоа се акциите или конверзиите. Досегшниот фокус на awareness или бројот на фанови се менува и се свртува кон стратегиите кои ставаат акцент на чекорите кои корисниците ги превземаат. Затоа имаме и пораст продажните и PPC кампањи кои спаѓаат во performancemarketing, додека Page like огласите и Reach кампањите полека стануваат само придружни тактики во пошироките стратегии кои ги мерат конверзиите.

На овогодишната Digital Day конференција слушнавме и еден важен податок кој го изнесе Katarzyna Paliwoda од Фејсбук, дека степенот на интеракција на постовите не влијае на офлајн продажбата, односно дека лајковите нема да го зголемат профитот, доколку се фокусирате само на нив.

7) Insta Stories и Snaps наместо Feed постови

Откако Snapchat, со помош на содржината која исчезнува после 24 часа, ги освои телефоните на милениумците во целиот свет, Instagram реагираше со креирање на Insta Story, кој го инкорпорира во веќе постоечкиот маханизам на апликацијата.  Подоцна оваа опција е овозможена и на Facebook преку My Day, но се стекнува впечаток дека овај вид на содржина е најдоминантен на Instagram за што сведочат и најновите податоци дека стапката на интеракција на Snapchat опаѓа под налетот на Insta Story.

Овај нов, неформален пристап на креирање на содржини не се појави случајно, туку го сублимира се` она што младите го сакаат – брзи информации во реално време, ексклузивни фотографии,behind-the-scene моменти и зачувување на приватноста. На сето тоа, за разлика од хотизонталните фотографии кои ги преферира Facebook и квадратните кои ги “сака“ Instagram Feed, snap-овите и Insta Stories се вертикална содржина која е совршено прилагодена на мобилните телефони.

 

Автор

Leave a Reply

Your email address will not be published. Required fields are marked *

*

Marketing365 Marketing365 Marketing365