Home » Во фокусот » Стартуваше BuzzBase првиот македонски сервис за вирална дистрибуција на содржини низ социјални мрежи

Стартуваше BuzzBase првиот македонски сервис за вирална дистрибуција на содржини низ социјални мрежи

На македонскиот пазар премиерно започна со работа нов сервис за промоција на дигитални содржини, којшто им овозможува на активните корисници на социјалните медиуми да генерираат лична заработка, преку споделување на брендирана содржина и креирање на дискусија на своите профили.

BuzzBase е партнерски проект на агенциите Њу Медиа Маркетинг и  ИМ.мк и претставува платформа за дистрибуција на содржина која во фокус го става споделувањето на вирална содржина на социјалните медиуми.

buzzbaseMK

Во светот со години постојат сервиси за дистрибуција на содржина, но ова е првиот кој им дава шанса на оние кои се влијателни на Facebook и Twitter да го валоризираат тоа. Нашата стратегија започнува од Македонија, пазар кој најдобро го знаеме, но плановите се далеку поголеми. BuzzBase веќе доби позитивен прием на неколку светски конференции и натпревари за стартапи“ – изјави Дарко Булдиоски, еден од креаторите на сервисот. 

BuzzBase на брендовите им овозможува досег до голема публика на многу ефективен и брз начин, притоа на своите корисници (базери) им дава комплетна контрола над објавите и на тој начин ја задржува оригиналноста на изразот кај секој автор.

Светските истражувања потврдуваат дека препораките од пријатели и роднини се најмоќната маркетинг алатка. Глобалните пракси велат дека 81% од потрошувачите се под влијание на објавите на своите пријатели на социјалните медиуми, а 43% од потрошувачите би купиле производ кога за него би дознале преку социјалните медиуми. BuzzBase е креиран да одговори на овие промени во дигиталната економија. Сервисот е од корист и за корисниците и за самите огласувачи

Платформата ги интегрира кликовите на споделениот линк до спонзорираната содржина и бројот на интеракции на социјалните медиуми во единствен параметар кој е одраз на креираниот разговор околу истата. 

Сега за сега следиме кликови, лајкови, коментари, споделувања, ретвити, фејворитс… а сервисот овозможува и таргетирање по демографски карактеристики, интерес, влијание и популарност и секако перформанси во претходни кампањи“ појаснува Катерина Стојановска, лидер на техничкиот тим кој стои зад сервисот. 

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.

Marketing365 Marketing365 Marketing365