Фестивалот на Европски филм, Синедејс, стартуваше синоќа, на 15ти, и ќе трае сѐ до 21 јули, со над 40 проекции на отворено, на 8 различни локации низ Скопје.
Маркетинг кампањата за јубилејното, 20то издание и оваа година ја осмисли и изработи Publicis Skopje, долгогодишен про-боно комуникациски партнер на Младинскиот културен центар.
Во неа, под слоганот „ФИЛМ ФАКТОР 20“, се охрабруваат сите вљубеници во уметноста да се „заштитат“ од сапуниците, риалити програмите и останатите „штетни зрачења“ и да нанесат слој вистинска европска култура.
Покрај официјалната филмска селекција на долгометражни и краткометражни европски филмови, програмата на Cinedays е збогатена со голем број пропратни содржини, како Cinemusic со многу музички настапи, Flipbook Film Festival со анимирани музички видеа, работилници, мастеркласови и многу други активности.
Затоа, дојди на Cinedays, пробај го филм фактор 20 и уживај во скопското филмско лето!