Home » Во фокусот » Трендови: Велика Британија е на прагот да се префрли од FM кон дигитални аудио емитувања

Трендови: Велика Британија е на прагот да се префрли од FM кон дигитални аудио емитувања

Минатата недела Норвешка ги најави своите планови да ја исклучи комплетно својата FM  радио мрежа, што во исто време значи дека државата ќе биде првата држава која комплетно ќе ја напушти  FM трансмисијата и ќе ја замени со Дигитални Аудио Емитувања  (Digital Audio Broadcasts (DAB)). Иако Норвешка е единствената држава која засега официјално го најавува овој прв чекор, не е и единствената која размислува за вакви промени.

Извор: eMarketer.com

Во Велика Британија веќе се најавува преминување од FM на DAB во периодот кој следи.
Владата во Велика Британија официјално најави дека промената од FM на DAB нема да се случи се додека дигиталното аудио не надмине бројка од 50%  од вкупните слушатели и се додека DAB не биде широко распространето како и FM. По некои параметри овие прагови веќе се на пат да се достигнат.

Во извештајот од октомври 2016 на Radio Joint Audience Research Limited (RAJAR)  се наведува дека 45.5%  од слушателите на радио од Велика Британија веќе го користат овој тип на медиум преку дигитални емитувања. Оваа бројка вклучува и радио станици кои се емитуваат со помош на Интернет и дигитално –телевизиско радио како и DAB. DAB во согласност со ова истражување добива удел од 32.3% од вкупниот број на емитувања и слушања на радио.

Во однос на нивото на опсегот на аудио гледано од аспект на целокупната популација AM/FM радиото сеуште го зазема приматот кај корисниците, за разлика од DAB, во согласност со добиените податоци од истражувањето на  RAJAR.Скоро ¾ од популацијата во Велика Британија сеуште слуша традиционално радио, во споредба со  44.8% кои слушаат DAB.

Доколку шемите на слушање на аудио продолжуваат да се менуваат со сегашното темпо, ова може да значи дека отпочнувањето на ваквите промени може да се случи во 2018, што во основа значи напуштање на FM во 2020, изјави BBC.

Автор Marketing365

Маркетинг365 (М365) е прв македонски портал кој во фокусот ја има маркетинг, медиа и ПР индустријата во Македонија. Формиран е во 2011 година и во своето досегашно постоење има добиено неколку домашни и меѓународни признанија вклучувајќи ги и “Блог на годината“ (прво место, 2011 и 2015 год.), “Највлијателен балкански блог кој доаѓа од Македонија“ (прво место 2012) и “Најдобар бизнис-информативен веб сајт“ (второ место, 2014). Почнувајќи од февруари 2015 година, Маркетинг365 е официјален претставник во Македонија на најпознатиот светски креативен фестивал Cannes Lions. Тимот на М365 го сочинуваат активни професионалци од маркетинг, медиа и ПР индустријата во Македонија. e-mail : contact@marketing365.mk

Leave a Reply

Your email address will not be published. Required fields are marked *

*

Marketing365 Marketing365 Marketing365