Home » Најнови вести » Вториот ден на Голден Драм ги инспирираше делегатите и гостите

Вториот ден на Голден Драм ги инспирираше делегатите и гостите

Меѓународниот фестивал на креативност 23-иот по ред Голден Драм на вториот ден пред публиката се претстави со голем број на говорници кои ги инспирираа присутните со своите обраќања на замокот Љубљана. Долго очекуваното обраќање на Синди Галоп ги надмина сите очекувања.

golden-drum-23-poster

Греам Ланг, главен креативен директор на Y&R Јужна Африка и Африка и претседателот на жирито за најдобро решение, го започна својот говор со интересен цитат: “Светот е прилично лудо место. Постојат неверојатни проблеми “, при тоа нудејќи им на делегатите решенија за сите презентирани случаи.

Грејам Ланг

Грејам Ланг

Иван Станковиќ, основач на „Communis“ од Србија, ги сподели неговите живописни приказни со делегатите и ги потсети да се следат себе си: “Започнете со себе, признајте си ги грешките, потоа обидете се да ги поправите. Доколку си ги прифатите границите можете и да ги надминете. Не мора тоа да го направите јавно; потребно е да си го признаете тоа на себе си. Подобро е да ве мразат за она што сте отколку да ве сакаат за она што не сте. Не се искачувајте за да ве видат другите, искачете се за да го видите светот.”

Иван Станковиќ

Иван Станковиќ

На почетокот на секој проект потребно е да размислуваме за музиката и колку е таа стратешки важна да ја инкорпорираме во рекламите, нагласи Ули Рис, претседател на „iV2“ од Германија: „Вака треба да изгледаат денес брендовите. Ги затворате очите и веднаш знаете за кој бренд се работи“.

Себастијан Хејновски, Главен извршен директор и Зофиа Бугајна, директор за развој на бизнисот во „MSLGROUP“ за Централна и Источна Европа од Полска, ја претставија иднината на ПР индустријата, која според нив не изгледа многу светла. Според нив револуцијата во ПР индустријата е доведување на големи промени и единствено решение е соработка. „Односите со јавноста треба да се интегрираат со рекламирањето и социјалните медиуми, тие е потребно да функционираат „рака под рака“, објаснија за време на своето излагање.

sebastian-hejnowski-zofia-bugajna

Зофиа Бугајна и Себастијан Хејновски

Историјата на иднината беше дискутирана од страна на Владимир Чех, основач на Институтот за историја на рекламирањето од Србија, Марко Иван Пекица, комуникациски предавач од Хрватска, Јернеј Реповш, регионален креативен директор во Студио Маркетинг од Словенија, а Екрем Дупановиќ, основач и главен и одговорен уредник во Медиа Маркетинг и Art & Business од Босна и Херцеговина: »Луѓето кои работат во агенциите им станаа робови на своите клиенти, кои скокаат од конкурс на конкурс. Рекламната индустрија е полна со страв, страв од агенциите да не ги загубат своите клиенти и страв од клиентите дека може да ги загубат своите добро платени работни места. Но, сепак, рекламната индустрија дефинитивно има иднина, но таа мора да се врати кон своите основни вредности“.

Дел од дискусијата "Историја на иднината"

Дел од дискусијата “Историја на иднината”

Ема Вилки, Управниот директор на „The Gunn Report Ltd“ од Велика Британија ја објасни студијата на Ган. Во анализата беа опфатени 545 студии на предмети и резултатите едноставно покажуваа дека постои очигледна врска помеѓу креативноста и ефикасноста: „Емотивните кампањи функционираат потешко. Но во секој случај подобро од рационалните или оние кои ги комбинираат и двете. Моќта на емоциите ја зголемува ефикасноста.

emma-wilkie

Ема Вилки

Тим Пери, директор за комуникации во истражувањата за Алцхајмер од Велика Британија и Василије Ќорлука, извршен креативен директор во Publicis One Македонија од Македонија, го презентираа проектот Sea Hero Quest и ги открија неверојатните податоци каде 65% од луѓето одговориле на прашањата на „научниот беџ“ и ги споделиле нивните податоци кои им помогнале на научниците во својата работа.

tim-parry-vasilije-corluka

Тим Пери и Василије Ќорлука

Главниот говорник на „Голден драм“ Синди Галоп, основач и главен извршен директор на IfWeRanTheWorld и MakeLoveNotPorn, застана на фестивалскиот подиум на многу оригинален начин. Таа ја нагласи важноста на жените кои имаат лидерска позиција во рекламната индустија. Таа смета дека жените лидери ќе успеат да и овозможат успех на агенција.

Синди Галоп

Синди Галоп

Делегатите ќе имаат исто така шанса да ги видат сите креативни решенија од 26 различни земји кои се натпреваруваат на 23иот Голден драм фестивал.

Повеќе за „Голден Драм“ на www.goldendrum.com

Автор Marketing365

Маркетинг365 (М365) е прв македонски портал кој во фокусот ја има маркетинг, медиа и ПР индустријата во Македонија. Формиран е во 2011 година и во своето досегашно постоење има добиено неколку домашни и меѓународни признанија вклучувајќи ги и “Блог на годината“ (прво место, 2011 и 2015 год.), “Највлијателен балкански блог кој доаѓа од Македонија“ (прво место 2012) и “Најдобар бизнис-информативен веб сајт“ (второ место, 2014). Почнувајќи од февруари 2015 година, Маркетинг365 е официјален претставник во Македонија на најпознатиот светски креативен фестивал Cannes Lions. Тимот на М365 го сочинуваат активни професионалци од маркетинг, медиа и ПР индустријата во Македонија. e-mail : contact@marketing365.mk

Leave a Reply

Your email address will not be published. Required fields are marked *

*

Marketing365 Marketing365 Marketing365