Пред неколку денови, една жена по име Меган Јантос објави на социјалната мрежа Twitter дека нејзиниот син Џулиен е „најголемиот фан“ на американскиот бренд за брза храна Wendy’s. Со цел да го поткрепи својот исказ, таа сподели и стрип од малиот Џулиен каде тој си замислува своја реклама за Wendy’s.
Free @Wendys ad written by their biggest fan (aka my son) pic.twitter.com/skbzdfB3tk
— Megan Jantos (@MeganJantos) June 3, 2021
На големо изненадување на младиот фан и неговата мајка, адвертајзинг тимот на Wendy’s го претвори неговиот стрип во вистинска реклама за само седум часа.
Генералниот маркетинг директор на брендот, Карл Лоренди, истакнува дека тимот веднаш се ставил „во погон“, обезбедуваќи соодветни архивски снимки, музика и секако одобрение од мајката на Џулиен за да ја оживеат неговата уметничка визија.
Истата вечер, Wendy’s ја објавиле целата реклама, исто така на Твитер, проследена со цртежите на младиот фан кои ја инспирирале. Рекламата дури ги задржува и печатните грешки на младото момче, како “keckup” и “musterd”, за дополнителна слаткост. На крајот од рекламата стои дека рекламата е напишана и режирана од Џулиен Јантос.
Погледнете ја рекламата во продолжение:
Thank you Julien https://t.co/yAXWlcjoe8 pic.twitter.com/42jvTo4e68
— Wendy’s (@Wendys) June 5, 2021