Единствените глобални креативни награди жирирани од страна на новинарите, Epica Awards, го отворија “early bird” пријавувањето за учесници до 31 август, нудејќи попуст од 100 евра.
Како што се соочуваат со несигурни економски времиња во месеците што следуваат, новинарите и адвертајзинг индустријата имаат потреба едни од други, повеќе од кога било претходно. Новинарите имаат придобивка од адвертајзинг приходите, додека пак на брендовите им даваат платформа за нивните платени и заслужени пораки.
Epica Awards им овозможува на новинарите да ја слават креативноста, цврсто верувајќи дека од суштинско значење е натпреварувањето да преживее и да продолжи да напредува, без разлика на кризата. Меѓународното жири на уредници и искусни новинари од ценети публикации како Adweek, Campaign, Creative Review, Horizont, Stratégies и Shots, се согласуваат со ваквата иницијатива. Наградите Epica ги покриваат сферите на адвертајзингот, дизајнот, односите од јавноста и дигиталните технологии.
Од 1 јули до 31 август постои “early bird” попуст од 100 евра, додека пак крајниот рок за пријавување е 31 октомври. Меѓутоа, организаторите не ја исклучуваат можноста овој рок да биде продолжен доколку се оди со формат на жирирање кој ќе биде исклучиво онлајн. Датумот за одржување на наградната церемонија сé уште не е потврден.
На барање на членовите на жири-комисијата, натпреварот воведе и бесплатна за пријавување категорија за креативните кампањи поврзани со пандемијата на Ковид-19. Сите приходи од оваа категорија ќе бидат донирани на Médecins Sans Frontières (Лекари без граници).
„Ние знаеме дека ова ќе биде тешка година. Агенциите страдаат. Но, исто така е важно да се истакне дека се случи вистинска експлозија на креативноста, како што владите и брендовите комуницираат пораки во однос на здравјето и безбедноста, поддршката и солидарноста. Новинарите кои се дел од нашето жири се решени да ги наградат овие проекти, како и сите други одлични кампањи од претходните месеци,“ истакна Марк Тунгејт, уреднички директор на Epica Awards.
Тој додава дека новинарите се исто така подготвени со задоволство да пишуваат за нив, зајакнувајќи ја природната ПР предност на Epica Awards. Креативноста работи понапорно од кога било. Вестите треба да се рашират.
Повеќе информации за Epica Awards може да се најдат на официјалниот веб-сајт на следниот линк.
