Home » Во фокусот » 65% од македонците велат дека социјалните мрежи се неизоставен дел од нивниот живот

65% од македонците велат дека социјалните мрежи се неизоставен дел од нивниот живот

Како што најавивме во вторникот, кога ги објавивме главните наоди од глобалното Wave 8 истражување, денеска имаме можност да зирнеме и во резултатите на испитаниците од Македонија.

Трета година по ред, благодарејќи на Универзал Медиа и Меккен Скопје, Македонија е дел од ова глобално  истражување преку кое се добиваат вредни податоци за навиките, ставовите и размислувањата на корисниците на социјалните мрежи во Македонија.

Wave8_Logo_McCann_UM

“Wave 8” покажува дека корисниците во Македонија во голем дел ги прават истите работи, делат исти мислења и имаат слични навики со остатанатите корисници на социјалните мрежи во светот.

Шеесет и пет насто од испитаниците велат дека социјалните медиуми се неизоставен дел од нивниот живот, 60% сметаат дека нивните профили на социјалните медиуми не ја отсликуваат нивната личност, додека 40% се загрижени дека ќе пропуштат важни работи доколку не ја посетат социјалната мрежа.

Омилена социјална мрежа им е Фејсбук, високи 80% проценти го посетуваат  на дневно ниво, а кај помладите бројката е уште поголема. Од друга страна,77% од испитаниците се загрижени за количината на податоци што ја оставаат онлајн.

 ‘‘Wave 8 е од голема важност за нашите агенции заради тоа што ни дава  увид во однесувањето, навиките и начинот на консумирање и споделување содржини кај корисницитена социјалните мрежи во Македонија.  Wave ни покажува дека влијанието на содржината која се споделува преку социјалните мрежи е клучно во креирањето моќни комуникациски стратегии. Интересен податок е дека 74% од испитаниците имаат позитивно мислење за брендовите кои се присутни на социјалните медиуми, тие најчесто се приклучуваат кон бренд заедниците за дознаат повеќе за брендот, да бидат во тек со новостите и да добијат личен одговор на прашањето кое го имаат.  Ова се само дел од резултатите добиени за Македонија. Waveбазата со податоци која ни е на располагање е одлична алатка со која креираме ефикасни и сестрани комуникациски стратегии за нашите клиенти и нивните брендови‘‘. – вели Ирина Маја Стојановиќ, директор за развој на бизнис во Меккен Скопје.

Трите главни заклучоци од овогодинешното истражување се однесуваат на мотивацијата за споделување содржини, вреднувањето на содржината и емотивното влијание врз лицата кои ја споделуваат таа содржина:

– Мотивацијата за споделување содржини се менува врз основа на различните  категории на производи и услуги, пазарот и демографијата.

– Постои голема разлика помеѓу содржината која потрошувачите ја вреднуваат, видот на содржина која добива голем број на прегледи и видот на содржината која тие би ја споделиле.

– На потрошувачите емотивно им влијае начинот на кој содржината што тие ја споделуваат е прифатена од другите. Кога ќе се прими позитивно и кога ќе биде проследена со ‘Like’, тоа генерира чувство на среќа, а кога споделувањето ќе биде проследено со игнорирање генерира негативни емоции.

Wave истражувањето покрива повеќе од 50.000 интернет корисници од 65 земји  кои претставуваат универзум од 1.29 милијарда активни корисници ширум светот. Истражувањето го мери влијанието на социјалните медиуми истражувајќи ги новите можностите и промените кои настануваат во комуникациските технологии. До сега спроведени се вкупно 8 Wave глобални истражувањa.

 “Wave” е најдолгата и најамбициозната годишна анализа на социјалните медиуми која ја спроведува медиумската агенција Универзал Медиа низ целиот свет. Истражувањето во Македонија го спроведуваат Универзал Медиа и Меккен Скопје.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.

Marketing365 Marketing365 Marketing365