Да се владее уметноста на впарување храна и вино значи да се доведе искуството на уживање во храната и виното на едно повисоко ниво. Ова може да звучи застрашувачки, но би сакале да ве убедиме токму во спротивното. Совладувањето на оваа област треба да биде забавно и да се состои од многу обиди и правење различни комбинации. На тој начин, со тек на време ќе се достигне потребното ниво на самодоверба и софистицираност во изборот на најадекватно вино како придружба за одреден тип храна.
Постојат два методи за впарување на храната и виното. Првиот е комбинирање на контрастни вкусови, а вториот е комбинирање на компатибилни вкусови. Според првиот, се впаруваат храна и вино кои поседуваат различни вкусови, како солена храна со слатко вино, а вториот претставува комбинирање на слични вкусови, како слатка храна со слатко вино.
За таа цел, најпрво се идентификуваат основните вкусови присутни во храната и виното. Во храната може да се пронајдат главно 20 различни компоненти, но за впарувањето со виното доволно е да се фокусираме на петте вкуса: солено, кисело, слатко, горчливо и умами, како и на луто (пикантно) како тактилна сензација, зачини и масти. Кај виното пак не се присутни 4 од овие компоненти и вкусови: мрсно, пикантно, солено и умами. Но, во однос на останатите, горчливиот вкус е присутен кај црвените вина поради присуството на танин, белите, розе и пенливите вина имаат поголема киселост, додека слаткиот вкус е присутен кај слатките вина. Зачинските компоненти се исто така присутни и во виното и во храната.
При впарувањето на храната со вино треба да се обрне внимание и на интензитетот на вкусот кај храната и виното. Односно дали храната е лесна или тешка, како и дали виното е лесно или тешко. На пример, вината од сортата совињон блан имаат лесно тело, за разлика од шардонето, кое има пополно тело. Пино ноар се карактеризира со лесно тело, а каберне совињон има полно тело.
За да ве охрабриме да го започнете интересното истражување на различните комбинации на храна и вино, еве неколку испробани правила што ќе ви овозможат да ги направите вистинските комбинации, барем додека не ја стекнете самодовербата за да почнете да ги кршите правилата.
- Виното треба да има поголема киселост од храната
- Виното треба да биде послатко од храната
- Виното треба да биде со ист интензитет на вкусот како и храната
- Црвените вина најдобро се впаруваат со црвено месо
- Белите вина најдобро се впаруваат со месо со помалку интензивен вкус, како риба или пилешко
- Црвените вина добро се комбинираат со мрсна храна
- Ако месото е приготвено со сос, подобро е да се бара вино што ќе соодветствува со сосот, а не со месото
- Многу почесто белите, розе и пенливите вина се впаруваат со вкусови што се контрастни
- Многу почесто црвените вина се впаруваат со вкусови што се компатибилни
Водете се од правилото дека виното ја следи храната и никогаш нема да влијае на нејзиниот вкус, но храната е таа која може да влијае позитивно или негативно на вкусот на виното. Затоа е важен изборот на адекватно вино со цел при впарувањето на храната и виното да се постигне баланс на вкусовите. Ако ве интересира оваа област и сакате да дознаете повеќе за впарувањето на храната и виното, но и за други теми поврзани со виното, посетете ја www.wineeducator.eu и дознајте повеќе за обуките што ги нуди школата за вино и жестоки пијалаци „Wine educator“. Во оваа школа обуките се организираат според строгите стандарди на престижната Лондонска школа за вино и жестоки пијалаци, а посетителите што успешно ќе завршат одредена обука добиваат и меѓународно признат сертификат.