Home » Extra 5 » Прво прототип решение за одгледување на свежи зачини во “Хорека” секторот

Прво прототип решение за одгледување на свежи зачини во “Хорека” секторот

Студентите кои учествуваа во седумднвената летна работилница во Јавна соба изработија прототип на мобилна вертикална градина за одгледување на зачини, решение кое може да прерасне во производ кој ќе биде ползуван во ХОРЕКА (хотели, ресторани и кафилиња) секторот.

Во периодот од 1-7 јули, осум студенти од Архитектонски факултет и факултетот за дизајн на мебел и ентериер, двата од Скопје, работеа по налог на Јавна соба и успеаа да изработат мобилна вертикaлна градина за одгледување на зачини. Прототипот е изработен  под менторство на Лаурент Вие Лапонте и Роби Вајл, двајцата од студиото Милиметарсеконде, специјализирано за производи од дрво. Престојот и работењето на менторите е поддржано од регионалната програмата за развој на млади претприемачи во креaтивните индустрии од страна Swiss Contact.

Мобилната вертикална градина ќе биде доработена и како финален прототип ќе биде изложена на овогодишното издание на Skopje Design Week, од 21 до 25 ноември на повеќе локации низ Скопје.

Учесници  во работилницата и изработувачи на мобилната вертикална градина се: Бисера Саздовска, Ива Савиќ, Петар Буневски, Сандра Трајковска, Емилија Ѓорѓиоска, Сара Алаѓозовска, Елена Настеска, Елена Невеновска.

Јавна соба во соработка со Swiss Contact во период септември – декември, 2018 ќе одржи 3 научно-практични работилници во областа на продукт дизајн.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.

Marketing365 Marketing365 Marketing365