Не секој ден шампон за првут се наоѓа на насловните страници, но Head & Shoulders ја искористи дадената можност да го промовира својот производ после виралното ширење на „чудната“ интеракција помеѓу американскиот претседател Доналд Трамп и претседателот на Франција Емануел Макрон за време на неговата посета на Белата Куќа.
Имено, додека двата претседатели се наоѓаа во Овалниот кабинет во вторникот, пред вклучените камери, Трамп изјави дека претседателот на Франција Емануел Макрон има првутест скалп, по што со прст исчисти една првутка од неговото сако. Францускиот претседател најпрвин изгледаше изненаден, по што почна да се смее, се погледна надолу и го истресе своето палто.
Trump wipes off dandruff from Macron’s shoulder: “We have to make him perfect.” pic.twitter.com/acVeLaNFUs
— Washington Examiner (@dcexaminer) April 24, 2018
Луѓето веднаш почнаа да го исмеваат овој момент помеѓу двата претседатели, а некои предложија дека потегот бил како од реклама на Head & Shoulders. Од компанијата веднаш ја препознаа оваа можност за маркетиншка промоција и делуваа – Twitter тимот на Head & Shoulders објави видео од кутија полна со шампони и регенератори за коса адресирана до Француската амбасада:
Whether you’re meeting the President or on your first date, we believe everyone should be 100% flake-free. #DandruffGate #FlakeNews #ShouldersofGreatness pic.twitter.com/fzsh6mQwGM
— Head & Shoulders (@Headshoulders) April 24, 2018
Иако маркетиншкиот потег на Head & Shoulders беше примен со мешани чувства од страна на корисниците на социјалните медиуми, видеото доби голем број на интеракции и се најде во повеќе медиумски прилози.
